Конте: "Ушбу ўйин турнир жадвалига катта таъсир ўтказди"

Хабарингиз бор, Италия А Сериясининг 27-тури доирасида "Интер" "Наполи" билан баҳс олиб, сўнгги дақиқалардаги ўтказиб юборган голи сабаб, 1:1 ҳисобидаги дурангга имзо чекди. Ушбу беллашувдан сўнг Антонио Конте ўйин ҳақида гапириб ўтди. 
 
"Ушбу ўйин турнир жадвалига таъсир кўрсатди, чунки ғалаба 3 очко олиб келган бўлар эди, дуранг эса атиги битта. Шунинг учун ўйин нафақат турнир жадвали нуқтаи назаридан, балки шахсий жиҳатдан ҳам муҳим эди.  
 
Йигитлар билиши керак – мен уларга жуда аниқ айтдим. 11 та ўйин қолди ва биз кўплаб қийинчиликларга қарамай, бугунги кунда ҳам "Интер" каби топ-жамоага қарши муносиб ўйин кўрсатганимизни исботладик" - деди италиялик мутахассис. 
 
Маълумот ўрнида, А Серияда "Интер" 58 очко билан пешқадамлик қилаётган бўлса, "Наполи" 57 очко билан иккинчи ўринда келмоқда.