Криштиану Роналду: 2019 йилдаги рекордларимни ҳеч қачон ёдимдан чиқармайман

"Қандай эсда қоларли мавсум. Янги таассуротлар, катта клуб ва ажойиб шаҳар, рекордлар уриш ва учта титул. Мени илиқ кутиб олишганликлари учун "Ювентус" мухлисларига раҳмат айтишим лозим. Улар ғалабамизда катта ўрин тутишади.

Мени қўллаб-қувватлаб турган барча мухлисларимга, айниқса, португалияликларга катта раҳмат айтаман. Улар ёрдамида яна бир ажойиб совринни қўлга киритдик. 

Мен 2019 йилда қўлга киритган совринларим ва рекордларимни ҳеч қачон унутмайман. 

- Италия Суперкубогидаги ғалаба голи;

- А Сериядаги муваффақият, мавсумнинг энг яхши футболчиси мукофоти ва 21 гол; 

- Миллатлар лигасидаги ғолиблик ва хет-трик;

- ЕЧЛда 100 та учрашувда ғалаба қозонган ва 125 та гол киритган илк футболчи;

- УЕФА тасарруфидаги мусобақаларда 10 та титул қўлга киритган илк футболчи;

- Терма жамоалар миқёсидаги турли мусобақалар (ЖЧ, Европа чемпионати, Конфедерациялар кубоги ва Миллатлар лигаси)нинг турли босқичларида гол киритган илк футболчи;

Тез кунда учрашгунча! Биз биргаликда янги рекордлар, янги ғалабалар учун курашамиз! Мен сизларга ишонаман!, - деб ёзиб қолдирди португалиялик футболчи ўзининг "Instagram" саҳифасида.