Кроос Гюлерга бўлган танқидларга кескин жавоб берди

"Реал Мадрид" ярим ҳимоячиси Арда Гюлер Клублар ўртасидаги Жаҳон чемпионати ярим финалида ПСЖга қарши учрашувдан (0:4) сўнг танқидларга учраган эди. Унга собиқ жамоадоши Тони Кроос жавоб қайтарди.

"Агар сизда чизиқлар орасида ўйнай оладиган футболчи бўлса, баъзи дуэлларда ютқазганига кўз юмиш мумкин. Энг муҳими — у ўз вазифасини яхши англайди ва жамоанинг ҳимоявий ҳаракатларида қатнашади.

Алонсо унга ҳозирча кўп ўйин амалиёти беряпти. Арда ўтган мавсумёқ тактик жиҳатдан тайёр эди, бугун эса жисмоний томонлама ҳам бир поғона юқорилади" – деди Кроос "Einfach mal Luppen" подкастида.