Kroos: Qancha ko‘p yugursak, shuncha yomon o‘ynaymiz

Toni Kroos statistik ko‘rsatkichlar qiymatini ortiqcha baholangan deb hisoblaydi.

“Men statistika muxlisi emasman. Mening fikrimcha, ularning barchasi mantiqiy emas. Yaxshi o‘ynadimmi yoki yo‘qmi, bilish uchun menga muvaffaqiyatli paslar foizi ko‘rinishidagi tasdiqlash kerak emas.

Kim qancha yugurdi? Ko‘p yugurgan kishi yaxshi o‘ynagan bo‘lishi kerakmi? Men buni boshqacha ko‘raman: qancha ko‘p yugursak, shunchalik yomon o‘ynaymiz. Sababi, biz yomonroq himoyalanamiz, orqaga o‘tamiz, to‘pni kamroq nazorat qilamiz”, - dedi “Real” yarim himoyachisi.