Кроос: Қанча кўп югурсак, шунча ёмон ўйнаймиз

Тони Кроос статистик кўрсаткичлар қийматини ортиқча баҳоланган деб ҳисоблайди.

“Мен статистика мухлиси эмасман. Менинг фикримча, уларнинг барчаси мантиқий эмас. Яхши ўйнадимми ёки йўқми, билиш учун менга муваффақиятли паслар фоизи кўринишидаги тасдиқлаш керак эмас.

Ким қанча югурди? Кўп югурган киши яхши ўйнаган бўлиши керакми? Мен буни бошқача кўраман: қанча кўп югурсак, шунчалик ёмон ўйнаймиз. Сабаби, биз ёмонроқ ҳимояланамиз, орқага ўтамиз, тўпни камроқ назорат қиламиз”, - деди “Реал” ярим ҳимоячиси.