Куртуа: "Мбаппе лидерлик борасида Криштиану Роналдуга яқинлашиб бормоқда"

"Реал Мадрид" дарвозабони Тибо Куртуа жамоадоши Килиан Мбаппе ва "Ан-Наср" форварди Криштиану Роналдунинг лидерлик қобилиятларини солиштирди.

Куртуа ўз фикрларини қуйидагича баён қилди:

"Мбаппе ва Криштиану – қайси бири яхшироқ лидер ва уларнинг фарқи нимада? Мен Криштиану билан бирга ўйнамаганман, чунки мен "Реал"га келган ёзда у "Ювентус"га кетган эди. Улар икки хил футболчи, лекин Криштиануда ғолиблик руҳи Килианга нисбатан бироз кўпроқ.

Бироқ бу йил Килиан бу хислатни жуда яхши намойиш қиляпти. У янги даражага кўтарилди ва жамоани ортидан бошлаб боряпти. Унинг ҳақиқий лидер экани кўриниб турибди ва ҳар бир ўйинда бу янада яққол намоён бўлади", – деди Куртуа.