Кутилмаган номзод! Ла Лига раҳбари “Олтин тўп”ни ким беришни айтди

Ла Лига президенти Хавьер Тебас “Барселона”нинг испаниялик ярим ҳимоячиси Родри 2026 йилги “Олтин тўп” мукофотини қўлга киритиши кераклигини айтди.

- “Олтин тўп”ни ким қўлга киритиши керак?

- Родри. Бу қийин масала, аммо унинг жаҳон чемпионатидаги ўйинини ҳисобга олсак, у бунга лойиқ.

- “Барса” Ламин Ямалга ишонч билдирмоқда.

- Буни “Барселона”дан сўраш керак. Ҳар кимнинг ўз фикри бор, мен эса Родрини танлайман, -  дея Ла Лига президентининг сўзларини келтирди AS нашри.

Эслатиб ўтамиз, Родри 2024 йилда ҳам “Олтин тўп”ни қўлга киритган.

Бу йилги “Олтин тўп”ни топшириш маросими 2026 йил 26 октябрь куни Лондонда бўлиб ўтиши режалаштирилган. Мукофотнинг амалдаги соҳиби ПСЖ ва Франция терма жамоаси ҳужумчиси Усмон Дембеле ҳисобланади.