Кутилмаган трансфер: Янги мураббий “Челси”га январда “Реал” юлдузини олиб келмоқчи

“Челси” раҳбарияти италиялик мутахассис Энцо Марескани бош мураббийликдан бўшатиб, унинг ўрнига Лиам Росеньорни тайинлаганидан кейин жамоа таркибида ҳам ўзгаришлар бўлиши кутилмоқда.

 Хусусан, янги келган англиялик мураббий январь ойидаёқ янги трансферларни амалга оширишга бел боғлаган.

Fichajes нашрининг ёзишича, Лиам Росеньор жамоага “Реал”да мураккаб даврни бошдан ўтказаётган Англия терма жамоаси ўйинчиси Трент Александер-Арнольдни олиб келишни сўраяпти.

Қизиғи шундаки, Трент ўтган ёз “Ливерпуль”даги фаолиятини якунлаб, катта мақсадларни кўзлаган ҳолда “Реал” сафига қўшилган эди. Бироқ жамоадаги инқирозли вазиятлар унинг ҳам ўйинига таъсир қилди. Трент испан футболига мослага олмади ва “Ливерпуль”да кўрсатган даражасига чиқа олмаяпти.

Росеньор уни тўлиқ сотиб олиш мураккаблигини яхши англайди ва шунинг учун “Челси” мутасаддиларидан 27 ёшли ўнг қанот ҳимоячисини мавсум охирига қадар ижарага олишни илтимос қилган.