Ла Лига. 20-турда қайд этилган натижалар ва турнир жадвалидаги ҳолат билан танишинг

Ла Лиганинг 20-тур учрашувлари ўз ниҳоясига етди. Мазкур турнинг энг муҳим баҳсларида қайд этилган натижалар билан танишиб чиқинг.

"Реал Мадрид" 2:0 "Леванте"

Учрашувнинг энг асосий воқеаси “Реал” мухлисларининг норозилиги бўлди. Улар нафақат Пересга, балки футболчиларга ҳам эътироз билдиришди. Шунга қарамай, жамоа янги бош мураббийининг туғилган кунида ишончли ғалабани қўлга киритди.

Феде Вальверде мадридликлар сафида ўзининг 350-ўйинини ўтказди.

"Атлетико" 1:0 "Алавес"

“Атлетико” қийин ғалабани қўлга киритиб, турнир жадвалида кучли тўртликдаги ўрнини мустаҳкамлади. Шунингдек, Антуан Гризманн Ла Лигадаги 550-ўйинини ўтказди.

"Реал Сосьедад" 2:1 "Барселона"

Мезбонлар дарвозабони Алекс Ремиро “Барселона”нинг 11 ўйиндан иборат ғалабали серияси тўхташига катта ҳисса қўшди.

Таъкидлаш жоизки, бу баҳсда ҳам “Барса” уч очкони қўлга киритиши мумкин эди. Бироқ офсайдлар, дарвозабоннинг сейвлари ва майдондаги бошқа ҳолатлар бунга имкон бермади.

Шу тариқа, “Реал Сосьедад” мағлубиятсиз сериясини 6 ўйинга етказиб, турнир жадвалида 8-ўринга кўтарилди.

Турнинг энг яхши жамоалари: “Реал Сосьедад” ва “Мальорка”
Турнинг энг яхши футболчилари: Алекс Ремиро (“Реал Сосьедад”), Лео Роман ва Ведат Мурики (“Мальорка”)

Маълумот учун, айни пайтда турнир жадвалида “Барселона” 49 очко билан пешқадамлик қилмоқда. Уларнинг азалий рақиби “Реал Мадрид” эса 48 очко билан иккинчи поғонани эгаллаб турибди.

Қуйида 20-турда қайд этилган барча натижалар ва турнир жадвалидаги ҳолат билан танишишингиз мумкин.