Ла Лига. 9-турда қайд этилган натижалар ва турнир жадвалидаги ҳолат билан танишинг

Испания Ла Лигасининг 9-тур учрашувлари якунланди. Мазкур турда қайд этилган эътиборга молик натижалар ва қизиқарли статистикалар билан танишинг.

"Атлетико" — "Осасуна" 2:1

Тиаго Алмада ўзининг дебют голини уриб, "Атлетико Мадрид"га муҳим уч очко келтирди. Ушбу ўйин Диего Симеоне учун клуб бош мураббийи сифатида 750-ўйин бўлди.

Симеоне бошқарувидаги натижалар қуйидагича:
443 ғалаба (59 фоиз), 166 дуранг (22 фоиз), 141 маглубият (19 фоиз).

Антуан Гризманн Карлос Агилера билан ўйинлар сони бўйича (456) тенглашиб, клуб тарихида энг кўп ўйин ўтказган футболчилар орасида еттинчи ўринга чиқди. "Осасуна" охиригача кураш олиб борди, бироқ "матрасчилар"нинг тажрибаси ва ўз стадионида ҳаракат қилиши ғалабани таъминлади.

"Барселона" — "Жирона" 2:1

"Барселона" ғалабани ўйиннинг сўнги сонияларида тортиб олди. Ҳал қилувчи голни уругвайлик Рональд Араухо киритди. Қизиқ жиҳати шундаки, у 17 ёшгача ҳужумчи сифатида ўйнаган.Ханси Флик жамоаси ушбу натижадан сўнг 71 ўйинда 200 та гол урган бўлди. Бироқ немис мутахассис бу сафар иккита огоҳлантириш олган ва "Эль-Класико"ни ўтказиб юборади. Аксель Витсельнинг "қайчи" услубида берилган зарбаси эса ҳафта давомида энг чиройли голлардан бири сифатида эсда қолди. "Барселона" xG кўрсаткичи бўйича ҳам устунлик қилди (1.61 — 1.51).

"Реал Мадрид" — "Хетафе" 1:0

"Реал Мадрид" оғир ўйинда минимал ҳисобда ғалабани қўлга киритди. Баъзи ҳакам томонидан қабул қилинган қарорлар бҳсли бўлган бўлса-да, "Қироллик клуби" 3 очкога эга чиқди. Килиан Мбаппе ўзининг голлар сериясини давом эттирмоқда. Ҳужумчи кетма-кет 11-ўйинда тўп киритган ҳолда, "Реал" тарихида Криштиану Роналдудан кейин Ла Лиганинг 9 ўйинда 10 тадан ортиқ гол урган илк футболчи бўлди. Энди мадридликларни "Ювентус" ва "Барселона"га қарши қийин ўйин кутмоқда.

Қуйида 9-турда қайд этилган натижалар ва турнир жадвали ҳолати билан батафсил танишинг.