Ла Лига. "Атлетико" ўз майдонида "Эспаньол"ни мағлуб этди – 4:2
Испания Ла Лигасининг 25-туридан ўрин олган баҳсда "Атлетико Мадрид" ўз майдонида "Эспаньол"ни 4:2 ҳисобида мағлубиятга учратди.
Ҳисоб 6-дақиқада меҳмонлар ярим ҳимоячиси Жофре Каррерас томонидан очилди. 21-дақиқада эса ҳужумчи Александр Сёрлот жавоб голини киритди.
Иккинчи бўлим бошида, 49-дақиқада Жулиано Симеоне мадридликларни олдинга олиб чиқди. Орадан тўққиз дақиқа ўтиб, 58-дақиқада Адемола Лукман таблода яна бир голни ёздириб қўйди. 72-дақиқада Сёрлот ўзининг иккинчи голини уриб, дубль муаллифига айланди. Ушбу вазиятда италиялик ҳимоячи Маттео Руджери иккинчи голли узатмасини амалга оширди. 80-дақиқада Эду Экспосито меҳмонлар ҳисобидаги иккинчи голга муаллифлик қилди.
Ушбу ғалабадан сўнг "Атлетико" очколар сонини 48 тага етказди ва турнир жадвалида 4-ўринни эгаллаб турибди.
- Испания - Ла Лига
- Жорий мавсум
Атлетико Мадрид
- Giuliano Simeone 49'
- Alexander Sørloth 72'
- Alexander Sørloth 21'
- Ademola Lookman 58'
22.02.2026 01:00
Эспаньол
- Jofre Carreras 6'
- Edu Expósito 80'
Фикрлар