Ла Лига клуби 2 ҳафталик карантинга олинди. Бу жамоага машғулотларни бошлашга рухсат беришмади

“Бетис” клубининг 3 нафар футболчисида коронавирус аниқланди. Бу ҳақда Football Espana хабар тарқатмоқда.

Машғулотлар бошланишидан олдин клуб футболчилари, мураббийлар ва ходимлар тестдан ўтказилган. Натижалар эса 3 та футболчида Covid-19 борлиғини кўрсатган.

Шундан сўнг, “Бетис”нинг барча аъзолари 2 ҳафталик карантинга олинган. Табиийки, бу ҳолат мавсум тикланиши олдидан жамоага жиддий зарба бўлди.

Бунгача Ла Лиганинг 3 та футболчисида вирус аниқланган эди. Улар  «Реала Сосьедад» дарвозабони Алекс Ремиро, «Атлетико» ҳимоячиси Ренан Лоди ва «Гранада» ярим ҳимоячиси Янгель Эррералардир.

Фикрлар

Фикр қолдириш учун авторизациядан ўтинг!