Ла Лигада энг кўп маошни кимлар оляпти?

Ла Лигада энг юқори маош олувчи 15 нафар футболчи рейтинги эълон қилинди. Transfermarkt портали тузган рейтингга кўра, Мадриднинг “Реал” клуби футболчилари Килиан Мбаппе, Винисиус Жуниор, Давид Алаба ва Жуд Беллингем Ла Лигадаги энг юқори маош олувчи 15 футболчи рўйхатига бошчилик қилмоқда.

Умумий рўйхат қуйидагича кўриниш олди:

Килиан Мбаппе («Реал») — €31,3 млн
Винисиус Жуниор («Реал») — €25 млн
Давид Алаба («Реал») — €22,5 млн
Жуд Беллингем («Реал») — €20,8 млн
Ян Облак («Атлетико» Мадрид) — €20,8 млн
Роберт Левандовски («Барселона») — €20,8 млн
Френки де Йонг («Барселона») — €19 млн
Нико Уильямс («Атлетик» Бильбао) — €16,7 млн
Рафинья («Барселона») — €16,7 млн
Федерико Вальверде («Реал») — €16,7 млн
Ламин Ямал («Барселона») — €16,7 млн
Трент Александер-Арнольд («Реал») — €16,7 млн
Марк-Андре тер Штеген («Жирона») — €15,6 млн
Жюль Кунде («Барселона») — €15,6 млн

Жорий мавсум охирига бориб, бу рўйхат ўзгаради. Чунки “Реал” жароҳатлар туфайли жамоага ёрдам бера олмаётган  австриялик универсал ҳимоячи Давид Алабадан воз кечишга қарор қилган.

“Барселона” таркибида энг катта маош олаётган польшалик тўпурар Роберт Левандовскининг ҳам клуб билан шартномаси якунланишига бир неча ой қолди.