"Лацио" етакчисидан айрилди

"Лацио" клуби ҳужумчиси Чиро Иммобиленинг коронавирусга қарши топширган тест жавоби мусбат чиқди. Бу ҳақда Corriere dello Sport нашри хабар тарқатмоқда.

Манбага кўра, ўтган сешанба куни италиялик футболчи ва унинг хотини Жессика "Лацио"нинг роджество байрамида иштирок этган. Чоршанба куни эса Жессикада коронавирус аниқланади ва Иммобиле ҳам дарҳол карантинга олинади.

Айнан шу сабабли Чиро А Сериянинг 18-туридан ўрин олган "Женоа"га (3:1) қарши ўйинни ўтказиб юборди. Энди эса унинг ўзида ҳам коронавирус борлиги тасдиқланди.

Иммобиле энди "Лацио"нинг 2021 йилдаги сўнгги "Венеция"га қарши бўладиган 22 декабрдаги учрашувни ўтказиб юборади.

Чиро Иммобиле жорий мавсум А Серияда 15 та ўйинда майдонга тушди ва ўз ҳисобига 13 та гол ҳамда 2 та голли узатма ёздириб қўйди.

Фикрлар

Фикр қолдириш учун авторизациядан ўтинг!