Лаутарога биринчи таклиф келди. У қабул қиладими?

Италия чемпионлигини қўлга киритган “Интер” мавсумни юқори савияда ўтказган аргентиналик ҳужумчи Лаутаро Мартинесни сотиб, молиявий инқироз оқибатларини юмшатишини маълум қилган эди.

Вазиятдан унумли фойдаланишга ҳаракат қилаётган “Атлетико” бу ҳужумчини сўраб, биринчи расмий таклифини юборди.  Испания чемпиони ҳужумчини 50 миллион еврога баҳолаган. Лекин миланликлар ҳали бу таклифга муносабат билдиргани йўқ.

Маъумотларга қараганда, “Интер” асосий ҳужумчиларидан бирини 70 миллион евродан паст нархга сотмайди. Ўтган йили Лаутарони “Барселона” қўлга кирита олмаган эди.

“Интер” футболчиларнинг келаси мавсумга  мўлжалланган маошини кафолатлаш учун июнь ойининг охирига қадар юлдузларидан бирини сотиб юбориши керак бўлади. Клубни тарк этадиганлар рўйхатида Лаутаро Мартинесдан ташқари Ромелу Лукаку ва Ашраф Ҳакими сингари кучли футболчилар бор.