Legionerga aylanishi kutilayotgan futbolchi "Lokomotiv"ni tark etdi

Bir necha kun oldin saytimiz orqali "Lokomotiv" etakchilaridan biri Xurshid Muxtorov faoliyatini boshqa klubda davom ettirishi haqida xabar bergandik.

"Temiryo‘lchilar" 28 yoshli futbolchi bilan xayrlashdi. Himoyachi toshkentliklar safiga 2021 yilda "Navbahor"dan kelib qo‘shilgandi. Bu vaqt oralig‘ida u 43 o‘yinda maydonga tushib, 2 bor raqiblari darvozasini ishg‘ol etishga muvaffaq bo‘ldi.

Muxtorov faoliyati davomida "Qo‘qon-1912", "So‘g‘diyona", AGMK, "Nasaf", "Navbahor" kabi jamoalar sharafini himoya qilgan.