Легионеримиз клубини ўзгартирди

Бангладеш чемпионатида тўп сураётган легионерларимиздан бири Асрор Ғофуровни билсангиз керак. У ўтган мавсумдан бери маҳаллий “Саиф Спортинг” жамоаси шарафини ҳимоя қилиб келаётганди.

У ерда 26 та учрашувда 9 та гол урди ва 9 та ассист вазифасини бажарди. Аммо энди вазият ўзгарди. Ғофуровнинг клуби билан тузган шартномаси ниҳоясига етди.

Шу боис Асрор ушбу клубни тарк этди. Ҳозирда Бангладешнинг бир-иккита етакчи жамоалари футболчимиз билан жиддий қизиқмоқда. Жумладан, "Башундхара" ҳам Ғофуровга кўз тиккан. Тез орада барчаси расман эълон қилиниши кутилмоқда.