Легионеримиз туркларни қандай ҳайратга солди?

Chery Tigo 7 PRO

Бу мавсумдан эътиборан, Туркия Суперлигаси клублари ўзбек футболчиларига кўпроқ эътибор қарата бошланади.

Якунланган мавсумда Ўзбекистон миллий терма жамоасининг уч нафар ўйинчиси Туркия Суперлигасида тўп тепди. Ҳусниддин Алиқолов “Ризеспор”да муҳим фигурага айланган бўлса, Отабек Шукуров аутсайдер “Фотиҳ Карагюмрюк”дан “Қайсериспор” жамоасига кўчиб ўтди.

Қатардаги Осиё кубогидан кейин Азизбек Турғунбоев кутилмаганда “Сивасспор” клубига йўл олди.

29 ёшли футболчи “Сивасспор” таркибига чемпионатнинг иккинчи қисмида 12 та учрашувда қатнашиб, ўз ҳисобига гол ёздириб қўйишга муваффақ бўлди.

Мавсум якунланганидан кейин Суперлига ўйинчилари имкониятларини таҳлил қилишга киришган мутахассислар  Азизбек Турғунбоевга ҳам эътибор қаратди.

Турклар ўзбек футболчисининг универсаллигидан ҳайратга тушди. Буни sivasmemleket.com.tr  сайти таҳлилидан билиб олиш мумкин.

Ўзбекистонлик Азизбек Турғунбоев “Сивасспор” бош мураббийи Бюлент Уйғун учун ҳақиқий топилма бўлди.

- Қишки трансферлар даврида жамоага келиб қўшилган Азизбек техник сифатлари юқорилиги билан мураббийлар штабига тактика танлашда катта имкониятлар яратиб берди. Бунда Турғунбоевга ҳимоянинг ҳар икки қанотида, таянч ҳудудида, чап ва ўнг қанот ҳужумида ўйнай олиши жуда қўл келди.

Ўзбек футболчисининг ҳар икки оёғида ҳам жуда яхши ўйнай олиши яна бир катта устунлик сифатида эътиборимизни тортди.

Бу қобилиятлари эвазига Азизбек Турғунбоев “Сивасспор”да бир неча позицияда ишончли ўйнаб, мураббийлар ишончини оқлади. Тажрибали легионер ҳимоя, ярим ҳимоя ва ҳужумда тўп тепди, мавсумни таянч ярим ҳимоячи позициясида якунлади.

Азизбекнинг футболдаги ақлий қобилияти, тез югуриши, жамоавий ўйин кўрсата олиш имконияти юқорилигини инобатга олиб, мавсумни муваффақиятли ўтказди, деб баҳолаш мумкин. Азизбек Турғунбоевнинг “Сивасспор” билан амалдаги шартномаси яна бир йил давом этади, - деб ёзди sivasmemleket.com.tr  сайти эксперти Исмоил Ҳақсевар.

Азизбек Наманган футболи тарбияланувчиси ҳисобланади. Юртимизда  “Навбаҳор” ва Пахтакор” жамоалари шарафини ҳимоя қилган.

Турғунбоев Ўзбекистон миллий терма жамоаси сафида ҳозиргача 33 та учрашувда майдонга тушиб, ўз ҳисобига тўртта гол ёздириб қўйган.

Ўзбек футболчиси ҳам Европа кучли лигаларида порлаши мумкин!

Parmalive.com: Файзуллаевга Европадан қизиқиш ортяпти, нархи яна ошади!

Файзуллаевнинг нархи кескин кўтарилди! Бу харидорларга таъсир қиладими?

Шомуродовни олиш осон бўлмаяпти...

Фикрлар

Фикр қолдириш учун авторизациядан ўтинг!