Легионерларимиз. Бугун Шомуродов ва Машарипов жамоалари ўз ўйинларини ўтказади

Бугун хорижда ўйнаётган икки етакчи легионеримиз ўз ўйинини ўтказади. 

Ҳамюртимиз Элдор Шомуродов ҳаракат қилаётган "Кальяри" А Сериянинг 33-турида ўз уйида "Ювентус"ни қабул қилади. Беллашув 23:45да старт олади. Шомуродов қайдномада бор ва жамоасига ёрдам беришга тайёр.

Эслатиб ўтамиз, Раньери жамоаси А Серияда 31 очко жамғарган ҳолда 14-поғонада жойлашган.

Жалолиддин Машарипов жамоаси "Истиқлол" Эрон чемпионати 24-тури доирасида ўз уйида "Шамс Азар"ни қабул қилади. Учрашув 19:30 да старт олиши режалаштирилган.

Маълумот учун, чемпионлик учун курашаётган Ўруноновнинг "Персеполис"и ғалаба қозонди ва айни дамда етакчи бўлиб турибди. "Истиқлол" бугун ғалаба қозонса, яна биринчи ўринга қайтиши мумкин.