Левандовски Чемпионлар лигаси гуруҳ босқичи тўпурарига айланди
Ads

Мюнхеннинг "Бавария" клуби ҳужумчиси Роберт Левандовски Чемпионлар лигасининг жорий мавсумида гуруҳ босқичи тўпурарига айланди.

Кеча 30 ёшли польшалик футболчи “Аякс”га (3:3) қарши кечган баҳсда дубль қайд этди ва ўзининг жорий мавсум ЕЧЛдаги голлари сонини 8тага етказиб олди.

Бу борада унга энг яқин рақобатчи “Барселона” форварди Лионель Месси ҳисобланади. Аргентиналик футболчининг ҳисобида ҳозирча 6та гол мавжуд.

Эслатиб ўтамиз, бундан аввалроқ Левандовски жорий мавсумдаги умумий голлари сонини 21та етказиб олгани ва бу борада кучли бешлик чемпионатлари тўпурарига айланиб олгани ҳақида хабар берган эдик.