Лионель Месси: "ЖЧ-2026?! Билмадим мен бугунги кун билан яшайман"

Аргентиналик футбол юлдузи Лионель Месси "ЖЧ-2026"да ўйнайдими ёки йўқми деган саволга жавоб берди.

"Билмайман. Очиғи, кўпчилик мендан бу ҳақда сўрашади. Айниқса Аргентинанинг ўзида. Умид қиламанки, аввало бу йилни яхши якунлаб, келаси йил учун мавсумолди тайёргарликларини пухта равишда бошлайман. Ўтган йили қилган саёҳатларим туфайли бунга эриша олмагандим.

Кейин ишлар қандай кетаётганини ва ўзимни қандай ҳис қилаётганимни кўраман. Тан олиш керак фаолиятим якунига кўп вақт қолмади. Аммо лекин ҳали вақт бор экан футболдан завқ олишда давом этмоқчиман.

Кейин нима бўлишини эса, вақт кўрсатади. Мен келажак тўғрисида унча кўп ўйламайман. Асосан бугунги кун учун яшашни ҳуш кўраман", - деди Лионель Месси.