Lisandro Martines "Manchester Yunayted"da yangi yulduz paydo bo‘lganini aytdi

«Manchester Yunayted» va Argentina terma jamoasi markaziy himoyachisi Lisandro Martines jamoadoshi Leni Yoro haqida fikr bildirdi. Ushbu hafta Chempionlar ligasi doirasida Ozarbayjonning «Sabah» klubiga qarshi o‘yinda ular himoya markazida birgalikda harakat qilishdi. Uchrashuvdan so‘ng 20 yoshli fransuz futbolchisi tajribali argentinalikdan alohida maqtov eshitdi.

«Leni Yoro juda a’lo o‘yin namoyish qildi. Himoyada ham, to‘p bilan ham o‘zini juda ishonchli tutdi, har bir vaziyatda, birga-bir holatlarda ham hotirjam va sovuqqon bo‘ldi. Rostini aytsam, u bu klubning kelajagi. Biz esa unga yordam berishimiz kerak, tushunyapsizmi», — deb ta’kidladi Lisandro Martines.

Leni Yoro 2024 yil yozida Fransiyaning «Lill» klubidan «Manchester Yunayted» safiga qo‘shilgan. Joriy mavsumda himoyachi klub tarkibida uchta o‘yin o‘tkazdi, ammo hozircha gol yoki golli pas bilan ajralib tura olgani yo‘q.