"Ливерпуль" - "Атлетико" учрашувида 740 минг одам коронавирус юқтириб олганмиди?

Буюк Британияда коронавирусдан ўлим ҳолатларини қайд этиш Чемпионлар лигаси 1/8 финал босқич жавоб баҳсидан ўрин олган "Ливерпуль" - "Атлетико" (2:3) учрашуви кунидан бошланган. Бу ҳақда Sunday Times нашри хабар тарқатмоқда.

Британия Миллий соғлиқни сақлаш хизмати томонидан тақдим этилган маълумотларга кўра, ушбу ўйиндан сўнг 25-35 кун орасида 41 киши Covid-19 қурбонига айланган.

Лондон Империал коллежи ва Оксфорд университети ҳисоб-китобларига қараганда, ушбу жамоалар ўртасида ўтказилган Испаниядаги ўйинда 640 минг, Англиядаги ўйинда эса 100 минг одам вирус юқтириб олган.