"Ливерпуль" "Боруссия" футболчиси учун "Интер" билан курашиши мумкин

"Ливерпуль" ва "Интер" Дортмунднинг "Боруссия" клуби чап қанот ҳимоячиси Даниэль Свенссонга энг кўп қизиқиш билдирмоқда. "Арсенал", "Лидс Юнайтед", "Милан" ва "Аталанта" ҳам 24 ёшли футболчини кузатмоқда. Бу ҳақда журналист Экрем Конур хабар берди.

Манба маълумотларига кўра, "арилар" Свенссонни жамоада сақлаб қолишни исташади, бироқ унинг 40-45 миллион евролик трансфери бўйича таклифларни кўриб чиқишади. Таъкидланишича, швед ҳимоячиси Англия чемпионатида ўз кучини синаб кўрмоқчи.

Жорий мавсумда Свенссон барча мусобақаларда 43 та ўйинда қатнашиб, тўртта гол ва иккита голли узатмани амалга оширди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида тақдим этилган маълумотларга кўра, футболчининг бозор қиймати 22 миллион еврони ташкил этади.