"Ливерпуль" бу мавсум АПЛни "ёндираётган" футболчини сотиб олмоқчи

"Борнмут" клуби ҳужумкор ярим ҳимоячиси Антуан Семеньо фаолиятини Англия Премьер-лигасининг топ-клубида давом эттириши мумкин. Бу ҳақда Daily Mail журналистлари хабар бермоқда.

Манбага кўра, 25 ёшли ганалик футболчига АПЛнинг амалдаги чемпиони "Ливерпуль" даъвогарлик қилмоқда. "Борнмут" Семеньони январда сотмоқчи эмас, шунинг учун унинг трансфери фақат келаси ёзда амалга ошиши мумкин. "Гилослар" ўз футболчисини 75 миллион евро атрофидаги суммага қўйиб юборишга тайёр.

Футболчи ва "Борнмут" ўртасидаги амалдаги шартнома 2030 йилнинг июнь ойи охиригача мўлжалланган.

Семеньо Англия чемпионатининг жорий мавсумида 8 та ўйин ўтказиб, 6 та гол ва 3 та голли узатмага муаллифлик қилди.