“Ливерпуль” футболчилари Клопп ўрнига кутилмаган мураббийни танлади

“Ливерпуль” бош мураббийи Юрген Клопп натижа қандай бўлишидан қатъи назар, ёзда жамоани топширишини маълум қилган.

Айни пайтда клуб раҳбарияти германиялик мутахассис ўрнига муносиб мураббий қидириш билан банд. Мутасаддилар ҳозирча янги бош мураббий масаласида якуний қарорга келгани йўқ.

Mundo Deportivo нашрининг маълум қилишича, “Ливерпуль” футболчилари жамоани Юрген Клоппнинг ёрдамчиси Пеп Линдерс бошқаришини истамоқда.

Пеп Линдерс 2015-2018 йиллар давомида Клоппга кўмаклашган. Орада ярим мавсум Нидерландиянинг “Нек Неймеген” жамоасини бошқарганидан кейин яна “Ливерпуль”га қайтган эди.

41 ёшли мутахассис бош мураббий Юрген Клопп жамоани топширганидан кейин ўзи ҳам жамоадан кетишини айтган.