"Ливерпуль" германиялик ҳимоячини ван Дейкнинг ўринбосари сифатида кўрмоқда

"Bild" нашрининг ёзишича, "Ливерпуль" "Боруссия Дортмунд" ҳимоячиси Нико Шлоттербекни Виржил ван Дейкнинг узоқ муддатли ўринбосари сифатида кўриб чиқмоқда. Нидерландиялик футболчининг "қизиллар" билан шартномаси 2027 йилда якунланади.

Манбага кўра, англияликлар Жованни Леонининг жароҳати сабабли қишки трансфер ойнасидаёқ немис ҳимоячисини олишга қизиқиш билдирган, аммо "Боруссия" бу трансферга рози бўлмаган.

Ҳозирча дортмундликлар Шлоттербекка 2027 йилда тугайдиган шартномани 2030 йилгача узайтиришни таклиф қилган. Аммо футболчи бу таклифга шошилмаяпти — у келажакда жамоа совринлар учун кураша олишига ишонч ҳосил қилмоқчи ва молиявий шартларни ҳам яхшилашни хоҳламоқда.