“Liverpul” hujumchisi bilan shartnomani uzaytirmoqchi

  • 22 fevral, 23:26
  • Bilolbek Imomov
  • 0
  • Futbol
TIGGO 2 PRO

Angliyaning “Liverpul” klubi Luis Dias bilan shartnomasini uzaytirmoqchi. Bu haqida “TBR Football” nashri xabar bermoqda. 
 
Xabaringiz bor, Dias so‘nggi oylarda jamoadagi o‘rni sabab, yozgi transferlar oynasida "Barselona"ga ko‘chib o‘tmoqchi ekanligi haqida xabarlar tarqalayotgan edi. Biroq, angliyaliklar ushbu transferga to‘sqinlik qilmoqchi. 
 
Manbaga ko‘ra, mersesaydliklar kolumbiyalik hujumchi bilan shartnomasini uzaytirishni afzal ko‘radi. Uning amaldagi shartnomasi 2027 yilgacha mo‘ljallangan bo‘lsada, uning atrofidagi mish-mishlar sabab, klub Luis bilan tezroq kelishuvga erishmoqchi. Klub mutasaddilar va Arne Slot 28 yoshli vingerni jamoa uchun muhim figura deb hisoblaydi. 
 
Ma’lumot o‘rnida, Dias joriy mavsum 36 ta uchrashuvda qatnashib, 13 ta gol va 3 ta golli uzatmaga mualliflik qilgan. Uning Transfermarkt portalidagi narxi 85 million evro deb hisoblanmoqda.

Fikrlar

Fikr qoldirish uchun avtorizatsiyadan o'ting!