"Liverpul" Italiyadan 18 yoshli himoyachini olib keladi

"Parma"ning markaziy himoyachisi Jovanni Leoni "Liverpul"ga o‘tish arafasida turibdi. Bu haqda insayder Nikolo Skira ma’lum qilmoqda.

Manba xabariga ko‘ra, 18 yoshli italiyalik futbolchini sotib olish mersisaydliklarga 35 million evroga tushadi. Ma’lum bo‘lishicha, "Parma" "Liverpul"dan Leonini yana bir mavsumga ijara asosida o‘zlarida qoldirishni so‘ramoqda.

Hozirgi vaqtda ingliz grandi bosh murabbiyi futbolchini jamoada qoldirish yoki darhol tarkibga olib kelish masalasini hal qilmoqda.

O‘tgan mavsumda Leoni Italiya chempionatida 17 ta o‘yinda ishtirok etib, 3 ta sariq kartochka olgan va bir marta maydondan chetlatilgan.