"Liverpul" Lavia uchun 45 million funt to‘lashga tayyor

"Liverpul" Romeo Laviani o‘z tarkibiga qo‘shib olishga harakat qilmoqda. Avvalroq, "qizillar"ning 37 million funtlik taklifi "Sautgempton" tomonidan rad qilingandi. Ammo mersisaydliklar kurashdan chiqqani yo‘q. 

Fabritsio Romanoning so‘zlariga ko‘ra, "Liverpul" Lavia uchun "avliyolar"ga 45 million funtlik ikkinchi taklifni jo‘natdi. Futbolchi Fabinoga o‘rinbosar sifatida qaralmoqda. 

"Sautgempton" yarim himoyachining transferidan 50 million funt ishlab olishni reja qilgan. Uni "Manchester Siti" 2024 yilda 40 million funtga qayta sotib olish imkoniyati ham bor.