"Liverpul": O‘ynashga ishonib...

“Sautgempton” klubi va Belgiya terma jamoasi yarim himoyachisi Romeo Laviyaning "Liverpul"ga transferi nima sababdan muvaffaqiyatsizlikka uchragani ma’lum bo‘ldi.

The Athletic nashrining futbolchiga yaqin manbasiga tayanib xabar berishicha, "Liverpul" rahbariyatining xatti-harakati tufayli futbolchi o‘zini "zaxira variant"dek his qilgan.

"Liverpul" Laviya bilan shartnoma imzolash uchun bir necha hafta ishladi, ammo “Sautgempton” talab qilgan 50 million funtni to‘lashdan bosh tortdi. Futbolchi Yurgen Klopp jamoasiga o‘tmoqchi bo‘lgan va klublarning murosaga kelishini sabr bilan kutgan, ammo bu amalga oshmagan. "Liverpul" 37 million funt, 41 million va 46 million funt sterlingli uchun uchta taklif yuborgan. Ularning barchasi “Sautgempton” tomonidan rad etilgan.

"Liverpul" rahbariyati "Sautgempton"ga Laviya endigina 19 yoshda ekanligini, u asosiy jamoada bor yo‘g‘i 34 ta o‘yin o‘tkazganini va shu sababli ular so‘rayotgan pulni to‘lashni istamaganini, chunki u tayyor o‘yinchi emas, balki potentsial yulduzni sotib olayotganini ta’kidlagan.

Shundan so‘ng "Liverpul" e’tiborini Moyses Kaysedoga qaratdi va uning uchun “Brayton”ga 111 million funt taklif qildi. Yakunda ekvadorlik yarim himoyachi “Chelsi”ni tanladi. Bu holatdan so‘ng Laviya o‘zini "ikkinchi tanlov"dek his qildi va "Liverpul"ga o‘tishni istamadi.

Endi Laviya 53+5 million funt evaziga "Chelsi"ga o‘tadi. Bundan avvalroq esa “Liverpul” futbolchini 60 million funt sterlingga transfer qilishga rozi bo‘lgani xabar qilindi. Biroq futbolchi bu taklifni rad etib, London klubini tanlagani xabar qilindi.