"Ливерпуль" "Реал"дан футболчи сотиб олмоқчи

"Ливерпуль" "Реал" ярим ҳимоячиси Орельен Тчуоменини қўлга киритиш учун ҳаракатларини тўхтатмаяпти.

"TodoFichajes" нашрининг хабарига кўра, инглиз клуби француз футболчиси учун 50 миллион евро таклиф қилган, шундан 35 миллионини "Реал" ҳозирги пайтда, қолган 15 миллионни эса келгуси мавсумда олади. Шунингдек, Тчуаоменига "Манчестер Сити" ҳам қизиқиш билдиряпти, бу эса "Ливерпуль" учун вазиятни мураккаблаштириши мумкин. Хавбэкнинг келажаги ҳақида аниқроқ маълумотлар яқин кунларда аниқланади.

24 ёшли француз ҳозирги мавсумда "Реал" таркибида барча мусобақаларда 21 ўйин ўйнаган, аммо гол уриш ёки ассист қила олмаган. Унинг Мадрид клуби билан имзолаган шартномаси 2028-йил 30-июнгача давом этади.