“Ливерпуль” Салоҳнинг ўрнига адашини оладиган бўлди

“Ливерпуль”нинг кейинги йиллардаги энг зўр футболчиси Муҳаммад Салоҳнинг клубдаги келажагига ҳали ойдинлик киритилмаган.

32 ёшли ҳужумчининг амалдаги шартномаси 30 июнь куни тугайди. Томонларнинг ҳамкорликни узайтириш бўйича музокараларида ҳали бир тўхтамга келинмади.

Шу боис, “қизиллар” янги ҳужумчи топиб қўйди.

Маълумотларга қараганда, “Ливерпуль” ўз сафига “Вольфсбург”да ўйнаётган Муҳаммад Амурни қўшиб олишни маъқул кўрмоқда.

24 ёшли жазоирлик ўйинчига “Айнтрахт” ҳам даъвогарлик қилмоқда. Франкфуртликлар январда “Манчестер Сити”га ўтиб кетган Умар Мармушнинг ўрнини Амур билан тўлдирмоқчи.

Жорий мавсумда 22 та учрашувда тўққизта тўп киритган Муҳаммад Амурнинг трансфер нархи 30 миллион еврони ташкил қилмоқда. Трансфер бўйича экспертлар бу сумма “Ливерпуль”ни тўлиқ қониқтириши ва Англия клуби бу маблағни тўлашда қийинчилик сезмаслигини таъкидлаяпти.