"Liverpul" sobiq futbolchisi: "Amorim ham Manchesterda ko‘p ushlanib qolmasa kerak"

Angliya milliy terma jamoasi va "Liverpul" klubining sobiq futbolchisi Jeymi Karrager "Manchester Yunayted" bosh murabbiyligiga tayinlangan Ruben Amorimning "qizil iblislar" jamoasidagi istiqbollariga baho berdi.

"Amorimning bu erda qiladigan ko‘p ishlari bor. "Manchester Yunayted" 14-o‘rinda. Ammo buni tezda tuzatish mumkin. Chunki bu jamoa 14-o‘rinda bo‘lmasligi kerak. Ularda "Tottenxem", "Aston Villa" va "Chelsi" bilan raqobatlasha oladigan tarkibi bor. "Mankunianliklar" Chempionlar ligasi zonasidan unchalik uzoqda emas.

Oldinga borish qiyin bo‘ladi. Ammo eng qiyini mavsumni yuqori notada tugatishdir. Sulsher "Manchester Yunayted" bilan ikkinchi o‘rinni egalladi. Mourino ham buni uddalagan edi. Erik ten Xag ham uchinchi o‘rinni egalladi. Shuning uchun Amorim uchun bularni takrorlash juda qiyin bo‘ladi.

Ammo buni uddalasa keyingi katta qadamni tashlagan bo‘ladi", - dedi "Liverpul"ning sobiq futbolchisi.