"Ливерпуль" собиқ юлдузи ХХI асрнинг рекордчи жамоасига кўчиб ўтмоқда

"Ливерпуль" ва "Арсенал"да ёрқин ўйинлар кўрсатган Алекс Окслейд-Чемберлен Шотландияда ўйнаши мумкин.

Хабарларга кўра, англиялик футболчи Шотландиянинг "Селтик" клуби билан оғзаки келишувга эришган. Футболчи шотланд клуби билан 6 ойлик шартномага имзо чекди. Бундан ташқари Алекс яхши формада ўйнаб кетса, шартнома яна бир йилга узайтирилиши мумкин. Чемберлен айни вақтда эркин агент ҳисобланади. 32 ёшли футболчининг сўнгги клуби Туркиянинг "Бешиктош" жамоаси бўлган эди. У фаолияти давомида "Саутгемптон", "Ливерпуль", "Арсенал" ва "Бешиктош" клубларида тўп тепган. Бундан ташқари, Англиянинг турли хил ёш тоифасидаги жамоаларида ва миллий терма жамоа шарафини ҳам ҳимоя қилган. 

Маълумот учун, хавбек фаолияти мобайнида 443та учрашувда майдонга тушиб, 53та гол ва 52та голли узатмани ўз ҳисобига ёздириб қўйган.