“Ливерпуль” яна бир супертрансферни уддалади

Англиянинг амалдаги чемпиони “Ливерпуль” келаси мавсум олдидан режали равишда таркибини кучайтириб бораётгани клуб мухлисларини хурсанд қиляпти.

Таниқли инсайдер Николо Скиранинг тасдиқлашича, мерсисайдликлар франциялик ҳужумчи Уго Экитикени ўз сафига кўчиб ўтишга кўндирди.

23 ёшли футболчининг "Айнтрахт"дан Англия Премьер-лигасига келиши “Ливерпуль”га турли бонуслар ва солиқларни қўшиб ҳисоблаганда 94 миллион еврога тушиши атийлмоқда.

Янги ҳужумчи билан Англия чемпиони 2030 йилнинг ярмигача давом этадиган битим тузади. Томонлар ўзаро келишув асосида ҳамкорликни яна бир йилга узайтириш ҳуқуқига эга бўлади.

Уго Экитике Франциянинг “Реймс” жамоаси тарбияланувчиси ҳисобланади. Фаолияти давомида бу жамоадан ташқари Норвегиянинг “Вайле”, Франциянинг ПСЖ ва Германиянинг “Айнтрахт” клубларида тўп тепган.