“Ливерпуль” яна уч футболчи келажагини ҳал қилади

Англиянинг амалдаги чемпиони “Ливерпуль” раҳбарияти маҳоратли ярим ҳимоячи Райан Гравенберхнинг келажаги масаласини ҳал қилди. Клуб нидерландиялик юлдуз билан узоқ муддатли шартнома имзолади.

Журналист Пол Жойс маълумотига кўра, энди “Ливерпуль” яна уч нафар футболчи билан шартномани узайтириш устида иш олиб бормоқда.

Бу қисқа рўйхатга ҳимоячи Иброҳим Конате ҳамда икки ярим ҳимоячи — Доминик Собослаи ва Алексис Мак Аллистер киритилган.

Шу билан бирга, Конате билан музокаралардаги тараққиёт деярли йўқлиги таъкидланмоқда. Аввалроқ хабар қилинганидек, жорий мавсум тугагач, франциялик ҳимоячи эркин агент сифатида “Реал”га ўтиши кутиляпти.