"Ливерпуль" янги тўпурар учун "Юве" ва "Милан"ни ортда қолдирмоқчи

Европанинг бир неча гранд жамоаси ПСВ ҳужумчиси учун жиддий кураш олиб бормоқда. Нидерландиялик Дониэлл Мален фаолиятини кучли бешлик чемпионатларидан бирида давом эттириши мумкин.

"La Gazzetta dello Sport" нашри тарқатган хабарга кўра, 22 ёшли футболчини "Ювентус", "Милан" ва "Ливерпуль" клублари ўз сафига қўшиб олишни ният қилган. Маълум бўлишича, ушбу "пойга"да мерсисайдликлар пешқадамлик қилмоқда.

Маленни сотиб олмоқчи бўлган клуб ПСВ ғазнасига 35 млн евро тўлаб бериши лозим бўлади. Дониэлл жорий мавсумда жамоасининг тўпурари ҳисобланади. У барча мусобақаларда 39 ўйинда майдонга тушиб, ўз ҳисобига 23 гол ва 8 ассистни ёздириб қўйишга муваффақ бўлган.