“Ливерпуль” юлдузи клуб уни Роналдунинг ёнига қўйиб юбормаганидан ғазабда

“Ливерпуль” уругвайлик ҳужумчи Дарвин Нуньес  бўйича “Ан-Наср”дан таклиф олган эди. Бироқ клуб раҳбарияти саудияликларнинг 84 миллион евролик таклифини қабул қилмади.

Нуньеснинг ўзи Криштиану Роналду ўйнаётган клуб вакиллари билан музокара ўтказишга ва келишув амалга ошган тақдирда Саудия Арабистонига кўчиб ўтишга тайёрлигини билдирди.

The Sun нашрининг маълум қилишича, Нуньес бу трансферга тўсқинлик қилгани учун “Ливерпуль” раҳбариятидан ғазабга келган.

“Ан-Наср” дарров бошқа ҳужумчи топди. Саудияликлар Дарвин Нуньес номзодидан воз кечиб, “Астон Вилла” ҳужумчиси Жон Дуранни 77 миллион евро эвазига ўз сафига қўшиб олди.