Ло Чельсо "Тоттенхэм"га ўтмоқчи, аммо...

"Бетис" клуби хавбеки Жованни Ло Чельсо ёзги трансферлар даврида "Тоттенхэм"га кўчиб ўтмоқчи. Бу ҳақда Sky Sports хабар тарқатмоқда.

Юқоридаги манбаага кўра 23 ёшли аргентиналик футболчи ўз кучини АПЛда синаб кўрмоқчи ва шу билан бирга ҳамюрти Маурисио Почеттино қўл остида тўп суришни хоҳламоқда.

Бироқ, унинг ушбу истаги амалга ошишига испан клуби қўяётган катта молиявий талаб тўсқинлик қилиши мумкин. Гап шундаки, “Бетис” Ло Чельсони унинг шартномасида кўрсатиб ўтилган 99 млн евролик товон пулига яқин нархга сотмоқчи. "Шпорлар" эса унинг учун 60 млн евро таклиф қилишмоқда.

Қайд этиш лозимки, Ло Чельсо учун шунингдек "Манчестер Юнайтед" ва "Реал" Мадрид клублари ҳам кураш олиб боришмоқда.

Эслатиб ўтамиз, “Бетис” Ло Чельсони ПСЖдан 22 млн евро эвазига сотиб олган. У ўтган мавсум севильяликлар сафида 45та ўйинда майдонга тушди ва ўз ҳисобига 16та гол ҳамда 6та ассист ёздириб қўйишга эришди.