"Локомотив" беларуссиялик футболчига шартнома таклиф қилди

Суперлиганинг янги мавсумига жиддий тайёргарлик кўраётган "Локомотив" ўз сафига беларуссиялик футболчини қўшиб олишни мақсад қилган. Бу ҳақда bel.football сайти хабар берди.

Манбага кўра, "темирйўлчилар" "Славия" клуби ярим ҳимоячиси Николай Ивановга шартнома таклиф қилган. Ўтган мавсумда Иванов жамоаси сафида барча турнирларда 31 та ўйинда майдонга тушиб, бешта гол урди ва саккизта голли узатмани амалга оширди.

Маълумот учун, Transfermarkt порталида футболчининг баҳоси 500 минг еврони ташкил қилади.