"Локомотив" футбол мактаби директори лавозимига янги мутахассис тайинланди

Мураббийлик фаолиятининг катта қисмини “Локомотив”да ўтказиб келаётган Руфат Акрамхўжаевни раҳбарият янги лавозимга тайинлади. Эндиликда у “Локомотив” футбол мактаби директори сифатида иш олиб боради. Бу борада клуб матбуот хизмати хабар берди.

Маълумот учун, Руфат Акрамхўжаев “Локомотив”даги фаолиятини 2019 йилда бошлаган бўлиб, дастлаб U-21 жамоасида ёрдамчи мураббий сифатида иш олиб борган. Иккинчи даврада эса ушбу жамоа бош мураббийи этиб тайинланиб, “Локомотив” ўринбосарларининг U-21 мусобақасининг чемпиони бўлишида муносиб ҳисса қўшди.

2020 йил ушбу мутахассис “Локомотив” U-18 жамоаси бош мураббийи лавозимида фаолият олиб борди ва U-18 мусобақасида учинчи ўринни қўлга киритди. 2021 йил бошида “Сурхон” футбол клубига йўл олган Руфат Акрамхўжаев 1 июль куни яна “Локомотив”га қайтиб, дастлаб селекционер мураббий, ундан кейин U-18 жамоаси бош мураббийи бўлиб ишлади.

Ўтган йил 18 ёшгача футболчилар Акрамхўжаев қўл остида 11 та учрашувда майдонга тушиб, 8 ғалаба, 1 дуранг ва 2 мағлубият қайд этиб, ижобий натижа кўрсатди.