Бугун Қатар Юлдузлар лигаси 18-тур ўйинлари давом эттирилди. Тошкентнинг “Локомотив” клубининг ОЧЛ 3-туридаги рақиби – “Ал Духаил” клуби ўз майдонида “Ал Хор”ни қабул қилди.

Мазкур ўйинда Жамол Белмади шогирдлари 4:0 ҳисобида ғалаба қозонишди. Эътиборлиси, “Ал Духаил” жамоаси чемпионат доирасида ўтган сўнгги 22 баҳснинг бирортасида мағлуб бўлмай келаётган эди ва бугун ҳам мазкур серия давом этди.

Ушбу ғалабадан сўнг, “Ал Духаил” жамғарган очколар сони 48 тага етди ва жамоа турнир жадвалида яккапешқадамлик қилмоқда.

Маълумот учун, “Ал Духаил” – “Локомотив” ўйини 6 март санасида бўлиб ўтади.

Қатар Юлдузлар Лигаси. 18-тур

“Ал Духаил” – “Ал Хор” 4:0

Голлар: Исмоил Муҳаммад (24), Эл Араби (30 пеналтидан), Мсакни (34), Мурод Нажи Хусайн (52).