Луис Энрике "Барселона"га қайтмоқчи эмас!

Сўнгги ҳафтада ПСЖ бош мураббийи Луис Энрике собиқ жамоаси - "Барселона"га қайтиши мумкинлиги ҳақидаги хабарлар тарқалди. "Кўк-анорранглилар"нинг амалдаги устози Хави Эрнандес ёзда жамоани тарк этишини маълум қилди.

"Sport" нашри хабарига кўра, испаниялик мутахассис яқин келажакда парижликлар клубини тарк этишни истамаяпти. У ҳозирги жамоасида ишидан қониқиш ҳосил қилмоқда.

Эслатиб ўтамиз, Энрике бошчилигидаги ПСЖ Чемпионлар лигасининг чорак финалига чиқди. Жамоа Лига 1да иккинчи ўриндан 9 очко фарқ билан чемпионатда пешқадамлик қилмоқда.