Луис Энрике шокда: “Барса”га қарши 6 етакчи футболчи ўйнамайди

  • 28 сентябрь, 17:59
  • Zohir Toshxo’jayev
  • 0
  • Футбол
CHERY AUTO

Европа Чемпионлар лигасининг амалдаги ғолиби “Пари Сен-Жермен” қитъа миқёсидаги энг нуфузли турнири янги мавсумидаги муҳим учрашувдан олдин қийин аҳволга тушиб қолди.

Tecno

Франция чемпионатининг навбатдаги турида “Осер”га қарши майдонга тушган парижликлардан ярим ҳимоячи Витинья ва ҳужумкор футболчи Хвича Кварацхелия жароҳат олди.

1 октябрь куни ПСЖ Европа Чемпионлар лигаси умумий босқичи иккинчи турида Каталонияда “Барселона” меҳмони бўлиши керак.

Витинья ва Кварацхелиядан ташқари, бош мураббий Луис Энрике янги тўрт нафар шогирди хизматидан фойдалана олмайди.   

Carrusel Deportivo нашрининг маълум қилишича, “Олтин тўп”нинг янги соҳиби Усмон Дембеле ва Маркиньоснинг Каталонияда майдонга тушмаслиги ҳозирдан аниқ.  Шунингдек, Фабиан Руис ва Дезире Дуэнинг жамоага ёрдам бериши катта сўроқ остида турибди.

Фикрлар

Саралаш
Фикр қолдириш учун авторизациядан ўтинг!