Луис Суаресга Европанинг 3 та чемпионати вакилларидан таклиф бор

Мадриднинг “Атлетико” клуби собиқ ҳужумчиси Луис Суаресга Европанинг учта чемпионати вакилларидан жиддий таклифлар бор. “Mundo Deportivo” нашри хабарига кўра, уругвайлик футболчини Ла Лига, А Серия ва Голландия чемпионати жамоалари ўз сафига қўшиб олишни истамоқда.

Аввалроқ, футболчининг ўзи Аргентинанинг "Ривер Плейт" клубига ўтишдан бош тортганини айтганди. Уругвайлик футболчи Европада қолишни истаётгани ҳақида очиқ гапирди. Аммо ватанига қайтиши мумкинлиги ҳам истисно этилгани йўқ.

Эслатиб ўтамиз, Суарес олдин Голландия чемпионати ўйнаган. У Амстердамнинг "Аякс" ва "Гронинген" клублари шарафини ҳимоя қилган. Қолаверса, Испания чемпионати вакиллари “Барселона” ва “Атлетико”да тўп тепган.

Луиснинг охирги жамоаси айнан “матраслислар” бўлиб, ҳужумчи ўтган мавсум мадридликарнинг Ла Лига доирасидаги 35 та учрашувида майдонга тушиб, ўз ҳисобига 11 гол ва 2 голли узатмани ёздириб қўйган.