Лука Модрич “Реал” билан қачон хайрлашади?

“Реал Мадрид” ярим ҳимоячиси ҳисобланган Лука Модрич клуб билан шартномасини яна бир йилга узайтириш ҳақида ўйламоқда, деб хабар бермоқда “АS” нашри. 
 
Манга кўра, хорватиялик ҳавбек сўнгги кунларда “қироллик клуби” билан яна бир йилга шартномасини узайтиришни режалаштирмоқда. Манбага кўра, клуб ҳам ҳар доим Модрични сақлаб қолишни афзал кўради. Лука бундан асосий мақсад сифатида 2026 йилда бўлиб ўтадиган Жаҳон чемпионатида иштирок этишни мақсад қилиб қўйган. Шу боис, ушбу мусобақадан сўнг ярим ҳимоячи футболчилик фаолиятини якунлаши мумкин. 
 
Маълумот ўрнида, 39 ёшли ўйинчининг “қаймоқранглилар” билан амалдаги шартномаси 2025 йилнинг ёзига қадар мўлжалланган эди. Модрич жорий мавсум 34 та тўқнашувда иштирок этиб, 3 та гол ва 6 та голли узатмага муаллифлик қилишга муваффақ бўлди.