МЮ "инглиз Дембелеси"ни ўз сафига қўшиб олмоқчи

Англиянинг икки клуби — «Манчестер Юнайтед» ва «Эвертон» 23 ёшли вингер Жонатан Роуни ўз сафига қўшиб олиш учун кураш олиб бормоқда. У Серия Ада ўтган мавсумдаги ёрқин ўйини орқали АПЛнинг етакчи жамоалари эътиборини тортди. Мутахассислар уни услуби жиҳатидан француз ҳужумчиси Усман Дембеле билан таққосламоқда.

Италиянинг Corriere di Bologna нашри ёзишича, Роу ҳозир ҳимоя қилаётган «Болонья» клуби унинг трансфери учун тахминан 35 миллион фунт талаб қилмоқда. «Манчестер Юнайтед» ҳам, «Эвертон» ҳам футболчининг икки қанотда бирдек ўйнай олиш қобилиятини асосий афзаллик сифатида кўрмоқда.

Ўтган мавсумда Жонатан Роу «Болонья» таркибида барча мусобақалар ҳисобга олинганда 43 та ўйинда майдонга тушди. У шу давр мобайнида саккизта гол урди ва тўртта голли узатма амалга оширди.