Мадридликлар “Барса” ололмаган ҳужумчига кўз тикди
“Барселона” ўтган ёзда “Интер” ҳужумчиси Лаутаро Мартинесни трансфер қила олмаган эди. Энди бу футболчини “Атлетико” Испания чемпионатига олиб келмоқчи.
Бу трансферни амалга ошириш мақсадида Диего Симеоне жамоадан кетиш истагида юрган Сауль Ньигесни сотиб юборади. Мадридликларнинг таянч ярим ҳимоячисига “Ливерпуль” ва “Барселона” харидор бўлмоқда.
23 ёшли Лаутаро Мартинес анчадан бери ўз кучини бошқа чемпионатда синаб кўришни истаяпти. Қолаверса, у А Серия чемпионлигига эришиб, Италиядаги миссиясини бажариб бўлди.
Лаутаро Мартинес якунланган мавсумда А Серияда барча 38 та учрашувда қатнашиб, рақиблар дарвозасини 17 маротаба ишғол қилди ва тўртта голли пас оширди. Унинг трансфери 80 миллион еврога баҳоланмоқда.
Фикрлар