Мағлубиятсиз серия қайд этаётган UFC жангчиси жуда машҳур блогерга қарши жанг қилмоқчи

Мағлубиятсиз серия қайд этаётган UFC жангчиси Пэйтон Тэлботт  (9-0) таниқли блогер ва собиқ кикбоксчи Эндрю Тейтга қарши жанг қилиш истагини билдирди. Кикбоксинг карьерасидан сўнг Тейт ўз веб-сайтида пуллик курсларни таклиф қила бошлади ва шу тариқа машҳур бўлди. Ижтимоий тармоқлардаги баъзи фикрлари эса унинг бир нечта платформаларга киришини тақиқлаб қўйди.

“Мен Эндрю Тейт билан жанг қилишни мақсад қилганман. Бу учун қандайдир ҳақ тўланмаса ҳам розиман. Унинг кўплаб фикрларига қаршиман. Худди ёшлигида кимдир уни алдаганга ўхшайди ва энди у аёллардан қасос олишга ҳаракат қилмоқда" - дея жангчининг сўзларини келтирди "ММАJunkie".

Эслатиб ўтамиз, Тэлботт 19 январь куни "UFC 311" мусобақасида Раони Барселосга қарши октагонга кўтарилади.