Maksim Shatskix: "Muxlislarni Chempionlar Ligasidagi yutuq bilan quvontiradigan payt keldi"(matbuot anjumanidagi fikrlar)

Osiyo  chempionlar ligasi "Paxtakor" - "Ahal"ga qarshi o‘yin oldidan matbuot anjumani bo‘lib o‘tdi. Unda "sherlar" ustozi Maksim Shatskix va Farrux Sayfiev qatnashdi.

"Hammaga xayrli kun. Jamoa yaxshi holatda. Raqibni sinchkovlik bilan o‘rganib chiqdik. Bir necha uchrashuvlarni kuzatdik. Ertaga o‘zimiz xohlagan darajada futbol ko‘rsatishni istaymiz. Muxlislarni Chempionlar Ligasidagi yutuq bilan quvontiradigan payt keldi. Raqib himoyada juda tartibli harakat qilishga intiladi, hamjihatlik bilan o‘ynaydi. Ularning qarshiligini engib o‘tishga harakat qilamiz.
Jismoniy tarafdan yaxshi holatdamiz. Dastlabki ikki o‘yinda biz bahsni nazorat qildik, biroq vaziyatlardan foydalanishda muammoga duch keldik", - dedi Shatskix.

"Jamoamiz bilan o‘yinga yaxshi tayyorlandik. Musobaqada birinchi g‘alabaga erishishni xohlaymiz. Hali guruhda barchada imkoniyat bor, bundan foydalanish uchun urinamiz. "Axal"ni o‘rgandik, yaxshi jamoa. Ertangi bellashuvda maqsadimiz g‘alaba qozonish va ishqibozlarimizga xursandchilik ulashish", - deya o‘yin haqidagi fikrlari bilan o‘rtoqlashdi Sayfiev.